Anoetako Udalean ekainaren 3rako jarri behar dute Espainiako bandera eta hori dela eta plaka bat jarriko dute udal arduradunek, larunbatean, maiatzak 31, 12:00etan udaletxeko arkupeetan.
Anoetari ere iritsi zaio Espainiako bandera jartzeko agindua. Ekainaren 3rako jarri beharko du. Bandera "herritar gehienon nahiaren aurka eta herritarren ordezkarien eramakimenaren kontra" jarriko dutela esan du udalak, eta hori dela eta, plaka bat jarriko dute larunbatean, maiatzak 31, udaletxeko arkupeetan, 12:00etan.
Era berean, udalak herritarrei egin die dei etxeetako leiho eta balkoietan ikurrina zintzilikatzeko eta baita ikurrinaren aldeko ekimenetan parte hartzeko ere. Udalak ikurrinak banatuko ditu udaletxean, doan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!