Hilabete honetako ekimenei hasiera hilaren 5ean, asteazkenean, eman zioten, Indomables, una historia de mujeres libres dokumentala eskainiz.
Hurrengo zita, astelehenean bertan izango da, 21:00etan. Ainhoa Agirreazaldegik bertsolariak Errimak umorez: zeri egiten diogu barre? hitzaldia eskainiko du.
Hilaren 16an, igandean, La Mona Lisa filma eskainiko dute, 18:00etan. Eta hilaren 22an, larunbatean, Emakumeak eta musika solasaldia izango da Emarocken eskutik. Emakumeak musika munduan betetzen zuen lekuaren inguruko hausnarketatik abiatu zen Emarock proiektua. Eta egun, Euskal Herrian batez ere, musikan aritzen diren emakumei protagonismo eta espazio bat ematea du helburu.
Hilabeteari amaiera emateko, hilaren 28an, ostirala, 23:00etan Desira eta Gose taldeen kontzertuak izango dira. Eta hurrengo egunean, larunbatean, 16:30ean Parekidetasun tailerra eskainiko dute Ernai gazte antolakundearen eskutik.
Honenbestez, Anoetako gaztetxetik dei egin dute ekimenez beteta datorren Parekidetasun Hilabete honetan parte hartzeko. Eta gonbitea zabaldu dute.