III. Urrifest Garagardo Azokan murgildu da Anoeta herria. Plazan hasitakoa gaztetxean amaituko da, eta edatekoak, jatekoak eta musikak ez dute hutsik egingo.
Lau garagardo mota dastatu ahal izan dira plazan, eta horietatik hiru euskal jatorrikoak. Jarraian, gaztetxerako bidea egingo dute bertan afaltzeko. 23:00etan iritsiko da musikaren txanda, eta Fiachras taldea eta herriko musikariekin osatutako talde txikiak ariko dira bertsioak abesten oholtza gainean.
Gauean ere garagardo mota ezberdinak edateko aukera izango da, baina pitxarra etxetik eramateko eskatu dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!