Bihar jaurtiko dute Anoetako festei hasiera emango dien suziria. Hala ere, festa izan dute asteburuan. Kuadrillen Eguna izan zuten larunbatean goizetik hasi eta ordu txikiak bitartean.
Igandean, berriz, Dantzari Txikien Eguna izan zuten, eta dantzaz gain, Kulturartekotasunaren erakusketa izan zuten. Lehen aldiz, Anoetan bizi diren kultura desberdinak erakusgai izan ziren: Ekuador, Nikaragua, Kolonbia, Sahara, Maroko, Nigeria eta Euskal Herria.
Txaraman bi egunez nagusitu da jaia. Adin guztiei zuzendutako ekitaldiak izan dituzte. Barrikotea, arku tiroa, toka txapelketa, pintxo dastatzea, herriko dantzarien emanaldia edota herri afaria.