Laugarrenez ospatuko dute Amezketan Mondejuaren Eguna. Aurten urriko bigarren larunbatean, hilaren 10ean, egingo dute eta aurreko urteetako leloa mantenduko dute: Mondejua eta Amezketa, zaletasuna baino+.
Aurreko edizioetan bezala, aurten ere mondeju postuak prestatu nahi ditu Amezketako Udalak: «Aurrekoan bezala, etxean mondejuen tradizioa mantendu dutenei beraien mondejuekin postua jartzeko aukera emango zaie». Bertan parte hartu nahi dutenek ostirala —irailaren 18a— baino lehen jo beharko dute udaletxera. Iaz, esate baterako, bederatzi mondeju postu izan zituen azokak.
Arrakastaren bidea
Aipatu bezala, laugarren aldiz egingo dute azoka eta «egunaren arrakasta» nabarmendu dute udaletik: «Lehenengo bi edizioak, eskualdean turismo jasangarria sustatzeko Tolosaldea Garatzenek Europako Next Generation funtsetatik lortutako diru laguntzarekin antolatu ziren; baina, egunaren arrakasta ikusita, urtero jarraipena ematea erabaki zen».