Amezketan 2026ko ibilgailuen zergaren erdia ordaindu ahal izango dute familia ugariek, zenbait baldintza betez gero. Hobariaz baliatu ahal izateko interesdunek otsailaren 13a baino lehen Amezketako Udalean aurkeztu beharko dituzte eskaera orria, ibilgailuaren datuak eta familia ugariaren liburuxka.
Aipatutako hobaria jasotzeko zenbait baldintza bete behar dira: hobaria familia-unitate bakoitzeko ibilgailu bakar bati aplikatuko zaio; ibilgailu horrek bost leku edo gehiago izan beharko ditu; familia ugariko kide baten jabetzakoa izan beharko da; eta familia ugariaren izendapenak aitortuta egon beharko du indarrean dagoen araudian.
Zalantzarik izanez gero harremanetan jartzeko aurreratu du Amezketako Udalak.