Mende erdi bete da aurten Talai dantzak berreskuratu zituztenetik, eta Amezketako Udalaren ekimenez, dokumental «hunkigarri eta interesgarri bat» osatu dute. Ikus-entzunezko lanean hainbat herritar elkarrizketatu dituzte eta, horrela, hainbat ikuspuntu eta historia jaso.
Irudi historikoetatik harago, aurtengo ospakizuneko irudiak ere jaso dituzte dokumentalean. Herritarrei aurkeztu zieten lana, eta, orain, sarean ere jarri dute zabalik ikusgai.