Asteartean, azaroaren 11n, San Martin eta erretiratuen eguna ospatuko dituzte Amezketan. Egitaraua San Martingo ermitan hasiko dute, eta mezaren ondorena trikitilariek eta bertsolariek alaituko dituzte; aldi berean, salda eta pintxoak ere banatuko dituzte.
Eguerdian Beartzana jatetxean egingo dute bazkaria herrian erroldatutako erretiratuentzat. Txartelak dagoeneko eskuragarri daude udaletxean, eta izena emateko azken eguna bihar izango da —azaroaren 7a—. Bazkalostea ere trikitilariek eta bertsolariek alaituko dute, eta arratsaldean haurren txanda izango da.
Herriko txikientzat merienda banatuko dute eskolako atarian, 16:30ean; eta, ondoren, jolasak egingo dituzte Pernando Amezketarra kultur etxean, herriko Akelok gurasoen elkarteak antolatuta.