Igandean —azaroaren 2an— bidegorri berria estreinatzeko festa egingo dute Amezketan. Herriko plazatik irten eta Ugarte auzorainoko bidea egingo dute musikarekin lagunduta.
Amaitu dute Amezketa eta Alegia lotzen dituen bidegorria, eta igandean azpiegitura berria estreinatzeko ekitaldia egingo dute. 11:00etan suziria bota eta herriko plazatik abiatuko dira Ugarte auzora. Zuzeneko musikarekin egingo dute ibilbidea, eta Ugarteko elkartean hamaiketakoa egingo dute.
Amezketako Udalak ekimenean parte hartzera gonbidatu ditu herriko gazteak eta helduak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!