Amezketako Udalak baserri-bideak konpontzeko lanean jarraitzen du. Atzo elizaren inguruan hasi ziren lanean eta obrak iraun bitartean ibilgailuen joan-etorriak bermatuta egongo direla iragarri dute, baina «itxi beharko balitz» Arrondo auzoko bidea erabili beharko dela aurreratu dute.
Hori horrela, lanek iraun bitartean «arreta eta pazientzia» eskatu dizkie udalak herritarrei, eta gogora ekarri obraren helburuak bidearen egoera hobetzea eta segurtasuna bermatzea direla.