Ekaineko euriteek eragindako kalteen ondorioz Amezketako zenbait gunek trabatuta jarraitzen zuten. Herriko udalak hainbat lan egin ditu herritarren segurtasuna bermatzeko eta «ohiko irisgarritasuna» berreskuratzeko.
Hain zuzen, bi gunetan aritu dira lanean: batetik, Arrieta bideko zubian. Bertan egindako lanekin uraren bidea atzera libre utzi dutea; 25 tona harri eta hondakin atera dituzte bertatik. Eta, bestetik, Sakela inguruan dagoen pista konpondu dute; euriteek eragindako kalteak zuzendu eta bidea berriro erabilgarri jarri dute.