Amezketan kaleko argiteria berritzeko falta ziren lanak amaitu dituzte. LED teknologiadun argiak jarri dituzte, eta horri esker energia kontsumoa eta CO₂ emisioak «nabarmen» murriztuko dituzte. Amezketako Udalak azaldu du berritzea falta ziren farolak aldatu dituztela kaleetako eta plazetako argiztapena hobetzeko, estetika zainduz eta herriaren itxura berrituz.
«Lan hauei esker, urtean %17 energia aurreztea lortuko da, baita urtero 1,33 tona CO₂ gutxiago isurtzea ere. Horrekin batera, udalaren argiaren faktura txikiagoa izango da», adierazi dute udaletik. Proiektua uztailaren 9an amaitu da, eta aurrerantzean «argi hobea eta kale seguruagoak» izango dituztela gehitu dute.