Amezketako Udalak jakinarazi duenez, proiektu honetan 60 argiztapen-zutaberen ordezkapena egingo da. Zutabe bakoitzak 4 metro izango ditu eta horretaz gain, 3 beso unitate instalatuko dira argiztapenaren efizientzia eta estaldura hobetzeko helburuarekin. Kale-argiteria berritzeak 56.115,84 euroko aurrekontua izango du, eta Kontratuak 10 urteko bermea jasotzen du.
Lan hauekin amaiera emango zaio 2020an abiatu zen kale-argiteriaren eraberritze prozesuari. Udalaren esanetan, Lehen fasean hainbat gunetako farola zaharrak ordezkatu ziren LED teknologia darabilten instalazio berriekin, energia-eraginkortasuna eta ingurumenarekiko errespetua bermatzeko. Bigarren fase honek, berriz, oraindik ordezkatzeke zeuden puntu guztiak hartzen ditu barne, eta guztira 3.500 kWh-ko urteko aurrezpena ekarriko du, tona bat CO2 isuri gutxiago sortuz.