Mugiment plataforman 189 herri daude sartuta gaur egun, eta amezketarrek kirol txartela atera ahal izateko honako pauso hauek jarraitu beharko dituzte: lehenik, KirolTxartela Mugiment aplikazioa instalatu behar da. Bigarren pausoa, Amezketako bazkidetza adieraziz izena ematea izango da. Izena balidatu ondoren, jakinarazpen baten bidez jakinaraziko zaio herritarrari aplikazioa erabili dezakeela. Azkenik, amezketar batek beste herrietako instalazioetan sartzeko Mugiment txartel birtuala eta NANa erakutsi beharko ditu.
Amezketako Udalak, herritarren abonuak Amezketakoa izaten jarraituko duela gogorarazi du, eta herri bakoitzak dituen erabilgarritasun eta ordutegi propioak zeintzuk diren aldez aurretik ikustea gomendatzen die.