Amezketako jubilatuek eta pentsiodunek irteera egingo dute ekainaren 13an, San Antonio egunean. Hain zuzen, Urkiolako San Antoniora joango dira, eta egun pasa egingo dute.
Autobusa 09:00etan irtengo da Amezketako plazaren pareko geltokitik, Ergonen geratuko da eta, azkenik, Ugarten. Urkiolara iritsi eta hamaiketakoa egin ondoren, denbora librea izango dute.
Bazkaria, berriz, 14:30ean izango da, Arrasateko Erreka jatetxean. Bazkalostean ere denbora librea izango dute, eta 19:00etan itzuliko dira.
Irteerara joateko beharrezkoa da aurretik izena ematea, eta horretarako aukera ekainaren 4tik 10era —biak barne— egongo da. Txartel bakoitzak 35 euro balioko ditu.