Amezketako Udalak eta URAk bilera egin dute udalerriko saneamendua hobetzeko eta Zumadiko Eskolaren inguruan uholdeek eragindako kalteberatasuna murrizteko proiektuen egoera aztertzeko.
Udalak ikastetxearen kalteberatasuna murrizteko hainbat neurri aztertu ditu, eta eraikinen egungo erabileretan aldaketak egitea proposatu du, segurtasuna areagotzeko beste neurri batzuez gain.
Saneamendu lanen bigarren fasea
Horrez gain, Amezketako saneamendu lanen bigarren fasearen «egutegia zehazteko beharraz» ere hitz egin dute, Amezketako Ugarte auzotik Alegiaraino gaur egungo azpiegitura-fase horrek «etxebizitza edo jarduera ekonomiko berrien garapena baldintzatzen» duela-eta.
Bileran parte hartu dutenek aipatu dute «aldi baterako irtenbideak» aztertu dituztela: «Behin betiko konponbideak beste erakunde publiko batzuen parte-hartzea ekarriko badu ere, aldi baterako irtenbideak aztertu dira saneamendua hobetzeko, eta hirigintza-garapen horietako hondakin-uren tratamendu egokia bermatzeko».