Aralar'eko ekoizle amezketarrak prestatu du proiektua Beasaingo Kaxola jatetxeko Iker Markinez sukaldariarekin. Bihar aurkeztuko dute proiektua, Amezketako Pernando Amezketarra kultur etxean.
Amezketako Aralar'eko ekoizleak moxal haragi gisatua egiteko proiektua gauzatu du Beasaingo Kaxola jatetxeko Iker Markinez sukaldariarekin elkarlanean, eta bihar aurkeztuko dute jendaurrean. Hitzordua 18:00etan izango da, Amezketako Pernando Amezketarra kultur etxean.
Ekimenak helburu du tokiko produktuak balioan jartzea, eta ekitaldian produktua nola prestatzen duten ezagutzeaz gain, gisatua dastatzeko aukera ere izango da. Herritar guztiei egin diete bertaratzeko gonbidapena.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!