Azken hilabeteetan egiten ari ziren ur saneamenduko obrak zirela eta, autobus zerbitzuak ibilbide berezi bat egin behar izan du, ohiko geltokiak aldi baterako baztertuz eta ezohiko besteren bat baliatuz.
Orain, berriz, obra horiek amaitu direla-eta, autobus zerbitzua ohiko ibilbide eta geltokietara itzuli da berriro. Hau da, herriguneko geltoki guztiak erabilgarri izango dira berriz.
Horrez gain, Alegiako Institutura zerbitzua eskaintzen duen autobusa ere ohiko ibilbidearekin hasiko da berriro funtzionatzen gaurtik aurrera.