Amezketan Frontoi Zaharra berritzeko lanekin hasi dira gaur. Udaletik adierazi dute obraren helburua dela «azpiegitura hobetzea» eta herritarrentzat erabilera «seguruagoa eta atseginagoa» izatea. Hori horrela, hainbat lan egingo dituzte, besteak beste, frontoia sakon garbitzea presioko ura erabiliz, junturak hartzea eta konpontzea, berriro margotzea eta hesi berria jartzea.
Gaur hasi dira lanean eta datozen egunetan burutuko dituzte. Udaletik adierazi dute «ahalik eta eragozpen gutxien» sortzen saiatuko direla eta, zentzu horretan, barkamena eskatu du aldez aurretik sor litezkeen eragozpenengatik.