Amezketako Udalak material berria eskuratu du herriko gimnasiorako, hain zuzen, hainbat pisutako zortzi kettlebell, bi makina eliptiko eta giharrak lantzeko aparatu berri bat. Udaletik adierazi dute «herritarren beharrei erantzuteko» jarri dituztela erabilgarri tresna berriak. Horrez gain, aurretik eskuragarri zuten materiala ere mantendu dute eta, horrela, «aukera zabaldu» dute entrenamendu gehiago egiteko.
Udalaren esanetan ekipamendu berriek aukera eskainiko du entrenamenduak «hobetzeko eta erosotasun handiagoz» ariketa egiteko. Hari berari tiraka, gogorarazi dute «ezinbestekoa» dela tresnak egoki zaintzea, denboran iraun dezaten.