Saneamendua eta asfaltatzea bukatzeko azken lanak egingo dituzte Amezketan, martxoan. Hain zuzen, gaur hasi dituzte asfaltatze lanak Errekalde kalean, eta eremu horretan, egunean zehar, mugatuta egongo da ibilgailuentzako pasabidea.
Aurretik, Pernando Amezketarra kultur etxe parean zorua kendu eta eremua hormigoitu dute, asfaltatze lanak egiteko prestatzeko. Asfaltatzea amaitu ondoren inprimatze lanak egingo dituzte, eta horiek eragingo dute eremua ezin izango dela zapaldu «egun pare batean». Udaletik aurreratu dute lan horiek ez dutela «eragozpen handirik» sortuko.
Hari berari tiraka jakinarazi dute obrek trafikoan eragingo dutela, eta langileek jarritako jarraibideak bete beharko dituztela herritarrek.