Sahararrei bidaltzeko janaria biltzen ari dira Amezketan

Ataria 2025ko urt. 30a, 13:03

Janaria biltzeko postu bat, eskualdean.

Zumadi ikastetxean eta udaletxean ari dira janaria biltzen. Gaurtik aurrera eraman daitezke elikagaiak eta otsailaren 7a, datorren asteko ostirala, izango da horretarako azken eguna.

Tolosaldea Sahararekin elkarteak antolatuta, sahararrei bidaltzeko janaria biltzen ari dira Amezketan. Zumadi ikastetxean eta udaletxean ari dira elikagaiak jasotzen, eta gaurtik otsailaren 7ra —datorren asteko ostiralera— eman daiteke janaria.

Bilketara hainbat elikagai eraman daitezke, horien artean, lekaleak (saihestu kristalezko ontziak), hegaluzea eta sardinak oliotan, pasta, arroza, azukrea eta olioa. Eta janariaz gain, materiala ere jasotzen dute, besteak beste, konpresak, haurrentzat eta helduentzako fardelak eta eskola materiala.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!