Azken urteetan Amezketan galduta zegoen Santa Ageda bezperan kantari ibiltzeko ohitura, eta iaz berreskuratu egin zuten hainbat herritarren ideiari jarraituz. Amezketako Udaletik adierazi dute «bikain» erantzun zuela jendeak eta aurten ere ekimena errepikatzearen alde agertu direla parte hartzaileak.
Astean zehar jendea elkartzea «zaila» dela ebatzita, ordea, ospakizuna bi egun aurreratu eta igandean, otsailaren 2an, aterako dira kalean abestera. Zentzu horretan, parte hartzera gonbidatu dituzte herritarrak eta, kalean aritu ezean, etxeko balkoietatik «kantuez gozatzera».
Egunaren nondik norakoak jakinarazteko eta kantuak entseatzeko, berriz, astelehenean —hilaren 27an— bilduko dira, 19:00etan, Pernando Amezketarra kultur etxean.