Berriro jarri dituzte martxan saneamendu lanak eta, ondorioz, Estanko etxe ondoko hainbat aparkaleku erabilezin geratuko dira behin-behinean. Eguberrietan eten egin zituzten saneamendu lanak eta horregatik egon dira hainbat egunez aparkalekuak erabilgarri.
Aparkatzeko lekuak gutxitu direnez, Amezketako Udalak plazan aparkatzeko baimena zabaldu du berriro «erraztasunak» emateko. Era berean, ordea, gogorarazi dute ostiral arratsaldeetan frontoiaren aldeko eremua libre utzi behar dela, azokako postuak jartzeko lekua behar dela eta.