Txapelketako hirugarren garaipena lortu zuen atzo Altuna III-Aranguren bikoteak. 16 tanto egin zituzten gorriek, lau pilota galduz. Urdinek 8 tanto eta 6 kale pilatu zituzten.
Jardunaldiko bigarren partida gaur jokatuko da Bilbon, Ezkurdia-Rezusta eta Elordi-Zabaletaren artekoa.
Bihar, Tolosako Beotibarren
Tolosako Beotibarren profesionalen partidak jokatuko dira bihar, 17:00etatik aurrera. Lehen partidan Agirre-Ugartemendiak eta Larrazabal-Salaverri II.ak jokatuko dute, promozio mailako txapelketako lehia. Ondoren, estelarrean, Jaka-Imaz eta Peña II-Albisu izango dira.
Senar Artolaren ordez
Iñaki Artolak berriro ere kale egingo du eta bere lekua Senar ataundarrak hartuko du astelehenean. Laso-Iztueta izango dituzte aurkari Eibarren, Senarrek eta Mariezkurrena II.ak.