Dagoeneko zabalik dago izena emateko epea Larrondo larrean ganadua larreratzeko; eta horretarako azken eguna abenduaren 31a izango da. Izen-ematea Amezketako udaletxeko bulegoan egin beharko da eta, aurten lehen aldiz, telematikoki ere egin ahal izango da.
Larreratzeko epeak ezberdinak izango dira ganadu motaren arabera: behiak, ahuntzak eta ardiak 2025eko maiatzaren 1etik 2026ko martxoaren 31era bitarte larreratuko dira. Behorrak eta zaldiak, berriz, 2025ko urriaren 12tik 2026ko martxoaren 31era bitartean.
Ganaduagatik ordaindu beharreko prezioa eta informazio osagarria argitaratu du Amezketako Udalak eta eskuragarri dago web orrialdean ere.
Horrez gain, hainbat ohar ere egin ditu Amezketako Udalak: batetik, ahuntzen kasuan, izena eman behar denerako derrigorrezkoa izango da Gestio Plana aurkeztea; bestetik, ohartarazi dute Larrondora ezin dela ganadurik eraman Enirio-Aralarko larreetara igo aurretik, hau da, Enirio-Aralarko larreetara zuzenean eraman behar dela ganadua. Bukatzeko, berriz, landatutako landare gazteak eta itxiturak errespetatzeko eskatu du beste behin herriko udalak.