Amezketako Udalak Gabonetarako hainbat jarduera antolatu ditu haurrentzat eta nerabeentzat Gazteria zerbitzuarekin elkarlanean. Parte-hartzea bultzatzeko eta oporraldiak «giro atseginean» igarotzeko aukera eskaintzea izan dute helburu, eta jarduera guztiak abenduaren 23tik urtarrilaren 3ra bitartean egingo dituzte.
2 eta 12 urte bitarteko haurrentzat bost jarduera prestatu dituzte guztira, horien artean, zentzumenen jolasa, pintxo lehiaketa eta argazkien markoak egiteko tailerra. 12 urtetik 18ra bitarteko nerabeentzat, berriz, beste bost proposamen antolatu dituzte, besteak beste, ihes gela Zumaian, afaria San Martingo parkean eta irteera Iruñeako Salting-era.
Jarduera guztiak eta izena emateko informazioa eskuragarri, Amezketako Udalaren web orrialdean.