Azaroaren 11n erretiratuen eguna ospatuko dute Amezketan, San Martin eguna dela-eta. 60 urtetik gorako herritarrei bideratutako jarduerak izango dira: 12:00etan meza izango dute San Martinen eta eguraldi txarra egingo balu, Zazpiturri elkartean egingo lukete; eta, mezaren ondoren, salda eta pintxoak banatuko dituzte. Geroago, 14:00etan, Txindoki jatetxean bazkalduko dute eta bertsolariek zein trikitilariek girotuko dute otordua.
Bazkarirako txartelak aurretik hartu beharko dira udaletxean, eta 35 euroan egongo dira salgai. Azaroaren 4an zabalduko da izena emateko epea, eta hilaren 7a izango da horretarako azken eguna.