Herriko plazan egitekoa zen hasiera batean azoka, baina eguraldiari beldur, pilotalekura eraman dute jaia. Jende ugari bildu da bertan, herritarrek eginiko mondejuak dastatzera.
Mondeju eta Ardo Azoka goizean hasi da, Joseba Erasoren omenezko III. Artzain Txakur Erakustaldiarekin. Azokak ateak zabaldu dituenean, Mondeju photocall-a, umeen txokoa eta herriko ekoizleen gunea ere martxan jarri dira. Mondejuekin batera, Loidi eta Lizeaga baserriko ardi gisatua eta Oteiza Goikoa gazta dastatzeko aukera izan da Amezketan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!