Ugarteko jaietako azken eguna ari dira ospatzen. Txakolin dastaketarekin abiatu dute gaurko eguna, Jon Ostolaza eta Rakel Pujanaren trikiti doinuek alaituta. Arratsaldean, berriz, herri kirolen txanda izan da. Maddi Gesalaga, Goizeder Abendibar eta Mikel Lopetegi Urra harria jasotzen aritu dira, eta aizkoran, berriz, Ugaitz Mugerza eta Eneko Otaño izan dira. Eguraldia alde izan ez badute ere, herritar ugari bildu da erakustaldiaren bueltan. Ondoren, ingurutxoa egin dute.
Aurtengo jaiak amaitzeko, sagardo dastaketa egingo dute 20:30etatik aurrera. Ondoren, Jon Ostolaza eta Rakel Pujanaren trikitilarien txanda izango da berriro.