Amezketako Ugarte auzoan asteburuan ari dira ospatzen Errosarioko amaren jaiak. Atzo, suziriarekin batera kanpaiak jo eta buruhandiak atera zituzten, festei hasiera emateko. Ondoren, trikiti poteoa eta herri afaria izan zituzten. Gauean, berriz, erromeria, Izer eta Alabier trikitilariekin; atsedenaldian, toka txapelketa egin zuten.
Gaur, egun osoan zehar, adin guztietako auzotarrentzako jarduerak egiten ari dira, besteak beste, haurrentzako puzgarriak, zaldian ibilalditxoak eta Keparen oroimenezko II. Mus Txapelketa. Azken horretan, zortzi bikotek eman dute izena aurten. Iluntzean, zahagi-ardoa egingo dute eta, ondoren, erromeria bi bikoterekin: Ansorregi-Larrañaga eta Laja Bi-Lutxurdio.
Festen azken eguna (bihar) izango da egun handia. Meza nagusia, pintxo eta txakolin dastaketa trikitilariek alaituta, herri kirol erakustaldia, ingurutxoa eta sagardo dastaketa.
Hemen gaurko eta biharko egitaraua:
- Larunbata, urriak 5
- 17:30. Txokolate jatea bizkotxoekin.
- 21:00. Zahagi-ardoa.
- 22:30. Ansorregi-Larrañaga eta Laja Bi-Lutxurdio erromeria.
- Igandea, urriak 6
- 11:00. Meza nagusia.
- Jarraian. Txakolin dastatzea eta pintxoak, plazan, Jon Ostolaza eta Rakel Pujana trikitilariekin.
- 18:00. Herri kirolak.
- Harria jasotzen: Maddi Gesalaga, Goizeder Abendibar eta Mikel Lopetegi Urra.
- Aizkoran: Ugaitz Mugerza eta Eneko Otaño.
- Ondoren. Ingurutxoa.
- 20:30. Sagardo dastatzea eta Jon Ostolaza eta Rakel Pujana trikitilariak.
- 11:00. Meza nagusia.