Amezketako San Bartolome jaien azken eguna da gaurkoa, eta herritarrek sukalderako dituzten dohainak proban jartzen igaro dute goiza. Paella onena prestatzea helburu izanik, 11 taldek parte hartu dute lehiaketan, Larrunarri pilotalekuan giro paregabea ezarriz.
Behin paellak prestatuta, 14:30ean eman du epaimahaiak bere berediktua. Rakel, Iraitz, Intza eta Haitzart izan dira paella prestatzen abilenak, bigarren postuan geratu diren Mendiko, Nerea eta Enekoren aurretik. Hirugarren postuan Azkena eta etxea kuadrillako neskak izan dira.
Arratsaldean hasi eta goizeko ordu txikiak arte, dituzten indar apurrak xahutuko dituzte amezketarrek. IV. Amezketako Futbol Sala txapelketa jokatuko da Zumadin 16:30ean eta 2:00etan berriz, Fan&Go taldea izango da aurtengo San Bartolome jaiei itxiera emateaz arduratuko direnak.
Ikusi hemen egitarau osoa.