Kadeteen finalarekin hasi zen Amezketako jaialdia. Bertan; Nazabal Larraundarra eta Etxaniz azkoitiarra neurtu ziren nor baino nor, eta Nazabalek 22-11 menderatu zuen Etxaniz.
Bigarren partidan, promesen mailan, Ibarluzea eta Lizeagak jokatu zuten. Lizeaga partida guztian aurretik joan bazen ere, Lapke klubeko pilotaria den Ibarluzea urretxuarrak markagailua irauli eta 22-18ko emaitzarekin irabazi zuen finala.
Hirugarren eta azken partida, elite mailakoa, Egiguren eta Igoaren artekoa izan zen. Egiguren azpeitiarra 22-21 nagusitu zen Igoaren aurka. Partida honetan ere, azpeitiarrak markagailua irauli behar izan zuen txapela irabazteko, izan ere, 17-21 joan bai zen markagailuan atzetik.