Amezketako jaien hirugarren egunean, San Bartolome eguna da gaurkoa. Kuadrillen eguna eta umeen eguna igarota, amezketarrek festan jarraitzeko asmoekin jarraitzen dutela erakutsi dute. Meza nagusia eta herriko gaztetxoen herri kirol saioaren ondoren, txakolin dastaketarekin burutu dituzte goizeko ekitaldiak Amezketan, eta bero egiten duenez, herritarrek gogotik edan dute txakolina herriko plazan.
Arratsaldean, txakolin dastaketari lekukoa, Amezketako Buruz Buruko Txapeldunen finalak hartuko dio. Gauean berriz, Bide Batez taldearekin dantzaldia egingo da plazan.
Biharko egitaraua
- 12:00. Herri kirolak, plazan. Aizkoran: Aratz Mugerza eta Julen Gabirondo.
Harri-jasotzen: Maddi Gesalaga, Lierni Osa eta Naroa Arruti. - Jarraian. Paella lehiaketa.
- 14:30. Paella lehiaketako sari banaketa.
- 16:30. IV. Amezketako Futbol Sala txapelketako finala, Zumadin.
- 18:00. Bixente Gorostidi, Oihana Iguaran, Anjel Mari Peñagarikano, Agin Laburu eta Onintza Enbeitia bertsolariak. Gai Jartzailea: Imanol Artola Arretxe felix.
- 20:30. Sagardo dastaketa, plazan.
- 23:00. Fan&Go taldearekin erromeria plazan.
- 01:00. Elbiaren entierroa, plazan.
- Ondoren. Bingoa eta Akelok guraso elkartearen aldeko zozketa.
- 02:00. Fan&Go taldearekin erromeria plazan.