Dagoeneko martxan da Amezketako IV. Areto futbol txapelketa. Joan den ostiralean hasi ziren norgehiagokak eta partida bakarra jokatu zuten. Aurrerantzean, ordea, ostiralero lau partida jokatuko dituzte 16:00etatik 20:00etara.
Guztira, hamar talde arituko dira lehian. Eskualdean, Amezketatik Alegiatik, Berastegitik, Ibarratik eta Tolosatik eman dute izena taldeek, eta badira Betelukoak (Nafarroa) ere. Antolatzaileek azaldu dutenez, talderen batek egokitu zaion orduan jokatzeko arazorik izango balu, aurrez abisatuta, aukera izango luke aldaketaren bat adosteko eta horren berri Gazte taldearen Instagrameko orrian emango lukete.