Amezketako Udalak aurten ere nerabeentzako hainbat jarduera antolatu ditu ekainean eta uztailean, eta datorren ostirala (ekainaren 14a) izango da azken eguna eskaintza horretan izena emateko. Udaletik nabarmendu dute ez dutela onartuko epez kanpoko izen-ematerik, eta hori gauzatzeko beharrezkoa dela ordaintzea.
Izena emateko udalaren web orrialdeko inskripzio-fitxa bete eta, diruarekin batera, Gaztelekuan entregatu beharko da. Gaiaren inguruan gurasoek zalantzarik izango balute, Gazteria saileko 688 711 675 telefono zenbakira deitzeko aholkatu du udalak.
Jarduerak ekainaren 26tik uztailaren 18ra egingo dituzte eta mota askotakoak izango dira, besteak beste, mendira irteerak, denetariko tailerrak eta nerabeek antolatutako ihes gela.