Egun handia da gaurkoa amezketarrentzat. Izan ere, Jokin Altunak buruz buruko bere bosgarren finala jokatu du, Unai Laso aurrez aurre duela. Horretarako, Amezketako Udalak finala ikustera joateko autobusak antolatu ditu. 10:00etan zuten lehen hitzordua amezketarrek Bertzanako aparkalekuan, eta dagoeneko abitu dira Bilbora. Altunaren zale ugarik lehen autobusa bete dute, eta ilusioa galdu gabe gogoz abiatu dira Bilbora.
Bigarren autobusa 15:00etan irtengo da leku beretik eta finala amaitutakoan abiatuko dira bi autobusak Amezketarantz.
