Gaurko egunez duela 50 urte Jose Luis Pagazaurtundua Isusi laudiotarra eta Joxe Etxeberria Sagastume Beltza amezketarra hil ziren Getxoko Erromo auzoan, lehergailu bat prestatzen ari zirenean.
Etxeberria Amezketako Jauregi Txiki baserrian jaio zen eta gaztetatik izan zuen politikarako joera. Herriko gazteen bilgune izen zen Oargi elkartearen sorreran parte hartu zuen eta urte batzuk beranduago Herri Gaztedin hasi zen militatzen. 19 urte zituela ETAn sartu, eta poliziarengandik eskapo, Ipar Euskal Herrira egin behar izan zuen ihes.
Hegoaldera bueltan, Getxoko Erromo auzoko Itzulbaltzetan ekintza bat prestatzen ari zela hil zen Etxeberria, Jon Pagazartundua kidearekin batera. Artean 22 urte baino ez zeuzkan.
Amezketan, aurreko asteburuan, bere izena daraman plazan gogoratu zuten bere senide eta lagunek.
