Amezketako herritarrak iragan larunbatean, azaroaren 25ean, udaletxe aurrean elkartu ziren indarkeria matxistari ezezkoa emateko.
Ausartak ez, askeak! leloko pankarta eskuan, indarkeria matxistaren kontra bildu ziren herritarrak. Aurretik lanketa egin zuten Zumadi eskolak, Amezketako Udalak eta Gaztelekuak elkarrekin.
Honela, aurreko astean, ikasleek herrian seguru sentitzen diren guneak identifikatu zituzten. Larunbatean bertan, pegatina bidez, herriko toki seguru horiek markatu zituzten, eta elkarretaratzea egin ondoren, LHko 4, 5 eta 6. mailako ikasleek prestatutako bertsoak abestu zituzten.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!