Eguraldia lagun izan dute jaietako azken egunean Ugarten, eta festarako giroa ere izan da. Aizkora eta harri jasotzea uztartuz, herri kirol erakustaldia eskaini dute lau kirolariek. Alde batetik, Ainitze Zumeta harri jasotzaileak eta Aratz Mugerza aizkolariak osatutako bikoa izan da, eta bestetik, berriz, Lierni Osa harri jasotzailea eta Andoni Iruretagoiena Izeta VI aizkolaria. Lanak amaituta, ingurutxoa egin dute eta sagardo-dastaketa izan dute ostean. Laja Bi eta Narbaiza trikitilariek girotu dute jaien amaiera.