Ostiralean, 21:30ean hasiko dira finalerdiak, eta lehen partida kadete mailakoa izango da: Murua altzotarrak, Zabaletaren aurka jokatuko du. Bigarren partida promesen mailakoa izango da eta U. Amiano eta I. Egiguren arituko dira nor baino nor. Hirugarren partida elite mailako Senar eta Elola bidaniarrak jokatuko dute.
Larunbatean, ostiraleko ordu berdinean hasiko dira finalerdiak. Lehenengoan, kadete mailakoan, Elorz eta Izagirre ariko dira elkarren aurka; bigarrengoan, promesetan, Altuna tolosarra eta Ibarluzea; hirugarrengoan; elitekoan, Zubizarreta eta Irribarria.
Finalerdietako garaileak, abuztuaren 24an, Larrunarri frontoian jokatuko diren finalera sailkatuko dira.