Bihar, 21:00etan hasiko da jardunaldia, eta lehen bi partidak kadete mailakoak izango dira: Segurolak eta Elorzek neurtuko dituzte indarrak lehenengoan, eta Murua eta Ramirezek bigarrengoan. Hirugarren partida promesen mailakoa izango da eta I. Egiguren eta Rekalde ariko dira nor baino nor, eta laugarrenean elite mailako Irribarria eta Elizalde. Etzi, larunbatean, 21:30ean hasiko da jardunaldia, eta hiru partida izango dira ikusgai. Lehenengoan, kadete mailakoan, Aldaz eta Izagirre ariko dira elkarren aurka; bigarrengoan, promesetan, Ibarluzea eta Diaz de Gereñu; hirugarrengoan, elitekoan, Zubizarreta eta Odriozola.
Aurreko asteburuan, ostiraleko jardunaldian, kadete mailan Zabaletak 21-22 irabazi zion Egurrolari; promesen mailan Hormaetxek 8-22 irabazi zion Zabaletari; eta elite mailakoan, Igoak bertan behera utzi behar izan zuen, lesionatuta, Senarren aurkako partida, 12-5 irabazten ari zela. Larunbateko jardunaldian, bi partida jokatu ziren: promesetan, U. Amiano izan zen irabazlea, 18-22, Lizeagaren aurka; eta elite mailan Elola gailendu zen 8-22 Astizen aurka.