EH Bilduk irabazi zituen hauteskundeak joan den maiatzaren 28an. Agintaldi berrian bost zinegotzi izango ditu koalizio abertzaleak eta bi zinegotzi, berriz, Amezketa Etorkizun taldeak.
Nahiz eta udal gobernuaren arduran EH Bilduk jarraitu, alkate karguan kide berri bat ariko da. Gaur alkate bezala zin egin du Mikel Arteagak. 2011tik alkate bezala jardun duen Iñaki Amundarainen eskutik jaso du aginte makila. Azken honek, zinegotzi izaten jarraituko du.
Amezketako udalbatza ondorengoek osatuko dute:
- Mikel Arteaga Zabala (EH Bildu)
- Alaitz Labaien Tolosa (EH Bildu)
- Eneko Goitia Gonzalez (EH Bildu)
- Aiora Aramburu Galarza (EH Bildu)
- Iñaki Amundarain Tolosa (EH Bildu)
- Julian Sagastume Garmendia (Amezketa Etorkizun)
- Jose Antonio Artola Mugica (Amezketa Etorkizun)
