Amezketako Udalak irteera antolatu du jubilatuentzat maiatzaren 3rako. 60 urteko herritarrek izango dute lehentasuna, baina autobusa beteko ez balitz, gainontzeko herritarrek ere joateko aukera izango dute.
Irteera 09:30ean izango da; plazatik abiatu, Ergonen geldialdia egin eta azkenik, Ugarten geratuko da autobusa. Donostiara joan eta hamaiketakoa egiteko tartea izango dute. 11:00etan Aquariumera bisita gidatua egingo dute, eta ondoren, 13:00etan, autobusa hartuko dute bazkaltzera Oiartzungo Tolare jatetxera joateko. Bazkalostean denbora librea izango dute Oiartzunen bertan, 18:00ak aldera arte.
Hilaren 24tik 27ra izango da izena emateko aukera. Txartelak 30 euroko prezioa izango du.