Martxoaren 28an egingo dute irakurle taldeko hurrengo saioa, Amezketako kultur etxean, 19:00etan. Irakurle taldeak herritar guztiak gonbidatu nahi ditu saioan parte hartzera.
Joseba Sarrionandiaren Munduari bira eman zion ontzia liburua aztertuko dute, idazlea bera bertan dela. Betiko moduan, tertulia egiteaz gain, jana eta edana ez dela faltako esan dute.
Amezketako irakurle taldeak gerturatzeko gonbita egin die bertaratu nahi duten guztiei. Nahiz eta hizketa-gaia iurretar idazlearen azken liburua izan, liburu hori irakurri gabe dutenei ere lasai bertaratzeko deia luzatu dute taldetik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!