Martxan hastear da Amezketako irakurle taldea. Lehen saioa urtarrilaren 31n, datorren asteartean egingo dute, 19:00etan, kultur etxean. Arantxa Urretabizkaiaren Azken etxea liburua izango dute mintzagai, eta idazlea bera gonbidatu dute saiora. Meriendatzeko tartea ere hartuko dute literatura tertulia egiten duten bitartean.
Ekainera bitarte, beraz, hilabeteko azken astearteak baliatuko dituzte tertuliak egiteko, beti liburuaren idazlearekin. Liburua irakurri dutenak, zein irakurri ez dutenak joan daitezkeela esan dute.