Lau eta erdiko txapelketaren finala lesioarekin amaitu zuen Altuna III.ak. Astebete beranduago, eskuin esku hori ez dago oraindik osatuta. Gaurko probaren ondoren, errekuperazioarekin jarraituko duela adierazi du amezketarrak: «Masajeekin jarraituko dut eta bigarren jardunaldirako beste proba bat egingo dut. Binakako txapelketa jokatzeko gogotsu nago».
Jokin Altunak Tolosarekin jokatu behar zuen asteazkenean, Eibarko Astelena pilotalekuan. Bere lekua Elezkano II.ak hartuko du lehen jardunaldi horretan, Elordi-Zabaletaren aurka.
Bigarren jardunaldiko partida abenduaren 6an dauka Jokin Altunak, Tolosako Beotibar pilotalekuan.