Goizean izan da zer ikusi, dastatu eta erosi Amezketan. Izan ere, nekazari eta artisau postuz bete dute Larrunarri frontoia Amezketako Ferie ospatuz. Bertan, denetariko postuak izan dira. Alde batetik, bertako barazkiak, gaztak, herriko okindegiak, erlauntzako produktuak edota fruitu lehorrak erosteko aukera izan da. Nekazariek ez ezik, artisauek ere ez dute hutsik egin aurtengoan, eta hauek mota guztietako bitxiak, xaboiak, kosmetikoak edota liburuak ekarri dituzte azokara. Gosearekin zegoena tripa betetzeko tartea ere izan du. Izan ere, talo eta pintxo postuaz gain, aurten berritasun bat ere gehitu zaio azokari: olagarro postua.