Erraz irabazi zion Jokin Altuna amezketarrak, igandean, Tolosako Beotibarren, Dariori. Ez zen lehiarik izan, eta 22-3ko emaitzarekin lortu du finalerdietarako txartela Altuna III.ak. Bai ala bai irabazi beharra zeukan partida txapelketan aurrera egiteko, eta beste behin, ez zuen hutsik egin. Honenbestez, eta zazpigarren urtez jarraian, Lau eta Erdiko finalaurrekoetan da.
Partida azkarra izan zen Tolosakoa, eta bata bestearen atzetik joan zen tantoak pilatzen. Hamar tanto saketik egin zituen, eta Dariok ezin izan zuen ezer egin. Ez zuen ezertan asmatu. Guztia egin zuen ondo amezketarrak. Partida erraz poltsikoratuta, finalerdietako partida jokatu beharko du, igandean, Bilbon. Aurkari, partida guztiak oso maila onarekin irabazi dituen Elordi izango du aurrez aurre. Eta finalera nor pasa izango dute jokoan.
Egun bat lehenago, Unai Lasori irabazi eta gero, Joseba Ezkurdiak lortua du finalerdietara sailkatzeko jokoan zegoen beste txartela. Peio Etxeberria izango du aurkari, eta beste behin bi lagunak elkarren aurkari izango dira, baina batek baino ez du jokatuko finala. Bi nafarren arteko finalerdia larunbatean jokatuko da, Iruñeko Labrit pilotalekuan.
Altuna III VS Ezkurdia _ Lau eta Erdiko Finala 2022
Zazpigarren urtez jarraian Lau eta Erdiko finalerdietan da Jokin Altuna
Tolosan jokatutako Darioren aurkako partida nagusitasunez irabazi eta gero, amezketarrak Elordi izango du aurkari.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!