Amezketako gazteek Gaztelekua kokaleku berriarekin estreinatuko dute aurtengo ikasturtean. Astelehenean zabaltzeko prest du guztia Amezketako Udalak.
12 eta 18 urte bitarteko gazteei zuzenduta eremua da Gaztelekua, eta udalak bertaratu eta parte hartzera animatu nahi ditu adin tarte horretan dauden herritarrak.
Aurtengo berrikuntza kokapen berria izango da, eta, zehazki, Bartolome Deunaren Kalea, 27an dagoen eraikineren 1. solairuan egokitu dute Gaztelekua. Irekiera hilaren 10ean, astelehenean, izango da, 16:30etik 19:30era. Ikasturtean zeharreko zerbitzua ere ordutegi horretan izango da.
Izena emateko epea astelehenean bertan zabalduko dute, eta urriak 21a bitarte izango dute izena emateko aukera. Hori bai, Gaztelekuko eskaintzan parte hartzeko gazteek beharrezkoa izango dute izen ematea egitea.